Според издадените одобренија за градење, предвидената вредност на објектите изнесува 7.124.419 илјади денари, што е за 5,2% помалку во однос на истиот месец лани.
Од вкупниот број издадени одобренија за градење, 220 (70,1%) се наменети за објекти од високоградба, 38 (12,1%) за објекти од нискоградба и 56 (17,8%) за објекти за реконструкција.
Од вкупно 314 објекти, на 229 (72,9%) како инвеститори се јавуваат физички лица, а на 85 (27,1%) објекти инвеститори се деловни субјекти.
Во извештајниот период е предвидена изградба на 727 станови со вкупна корисна површина од 69.411 м².
