Доегашниот градоначалник на Крушево од СДСМ, Томе Христовски освои 2.643 гласа, а неговиот противкандидат, новиот градоначалник Нико Чоневски (ВМРО-ДПМНЕ) освои за 19 гласа повеќе од него – 2.662 гласа.
За 32 гласа победи кандидатката на СДСМ во Македонска Каменица. Соња Стаменкова е новата градоначалничка на Македонска Каменица со победа од 32 гласа. Таа освои 1.734 гласа, а нејзиниот противкандидат Димче Атанасовски (ВМРО-ДПМНЕ) освои 1.702 гласа.
Во Пробиштип Тони Тоневски (ВМРО-ДПМНЕ) освои 4.163 гласа, а Драган Анастасов (СДСМ) освои 4.134 гласа – разликата е 29 гласа.
Во Чешиново Облешево победи кандидатот на ВМРО-ДПМНЕ Јорданче Костадинов со освоени 1.642 гласа. Кандидатот на СДСМ, Горанчо Крстев освои 1.590 гласа. Разликата е 52 гласа.
Бошко Цветковски, кандидат на ВМРО-ДПМНЕ е новиот градоначалник на Лозово со освоени 735 гласа, 47 повеќе од Ацо Велковски од СДСМ кој освои 688 гласа.
Во Демир Капија и Росоман разликите се над 70 гласа. Ѓорѓи Крстевски, кандидатот на ВМРО-ДПМНЕ во Росоман освои 1.305 гласа, а Стојан Николов (СДСМ) освои 1.231 глас или 74 гласа помалку. Наталија Димитриева (ВМРО-ДПМНЕ) е новата градоначалничка на Демир Капија со 70 гласа повеќе од нејзиниот противкандидат Лазар Петров (СДСМ) – 1.222:1.152.
