Како дел од овие интервенции, на зградата на Национален парк Маврово е поставен и пуштен во функција систем за собирање дождовница – прва ваква иницијатива во рамките на еден национален парк во земјата. Овој систем претставува практично решение за одржливо користење на водните ресурси, но и симбол на нов пристап кон справување со климатските предизвици.
Со неговото поставување се намалува потрошувачката на питка вода, се заштитуваат природните извори и се придонесува за зачувување на биодиверзитетот во регионот на Маврово. Посебно значење има фактот што оваа активност е реализирана во блиска соработка со Националниот парк Маврово, кој со својата поддршка и интерес за воведување одржливи практики потврдува дека институциите може да бидат двигатели на позитивни промени.
Истовремено, оваа акција е јасен пример како зелените решенија можат да донесат долгорочни придобивки и да станат модел за други заедници низ државата.
