Граѓаните покажаа исклучителен интерес за скринингот. Заинтересираните ги посети и градоначалникот Тони Коњановски, кој ја поздрави акцијата. Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата, а меѓу нив е и Битола, соопштија од тамошната локална самоуправа.
Акцијата се одржа со цел подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.
