„Наместо тоа, ССМ како продолжена рака на СДС го одбива предлогот, за сега да има тема за дневна политика која експресно ја користи и СДС и која не му носи ништо добро на работникот. Од друга страна, СДС и Венко Филипче, популистички за политички поени, побрзаа да излезат со не добро спремен и сработен предлог закон за 600 евра минимална плата, но за реализација на истиот и од каде ќе изнајдат средства, не знаат, ќе виделе. Ова е повеќе од несериозно, ова е лицемерие и поигрување со достоинството и чувствата на сите вработени“, велат од ВМРО-ДПМНЕ.
Наспроти ова, додаваат од партијата, тоа што пред две години го затекна ВМРО-ДПМНЕ од претходната власт на СДСМ, беше уништена економија, дупки во буџетите, исцедени институции и крах на системот, при што државата беше на раб на банкрот, а многу институции како Македонски железници, Македонски шуми, Македонија пат со месеци немаа исплатено плати на вработените.
„Тогаш ССМ и Трендафилов никаде ги немаше да реагираат зошто работниците беа оставени, не без минимална, туку воопшто без плата. Затоа што ССМ и СДС се едно исто. Ако не е така, ги повикуваме да се одважат и да го потпишат новиот колективен договор со којшто работниците во април 2026 година, би добиле покачување од околу 15 отсто, што значи дека најмалото покачување би изнесувало 3.580 денари. Со ова системско решение и динамика за покачување на платите којашто Владата може да ја исполни, работниците од јавниот сектор ќе имаат минимална плата од 600 евра во 2028 година. ВМРО-ДПМНЕ не ветуваше и не ветува чуда, туку искрен, чесен и системски пристап за подобрување на стандардот на граѓаните“, пишува во соопштението на ВМРО-ДПМНЕ.
