„Најверојатно по препорака на Ахмети, Апасиев добил контакт од извршителот Андреја Буневски, за да се договорат да си купи деловен простор од 409 м2, преку одземен имот од граѓани или од фирма, која паднала финансиски и не можела да го исплаќа кредитот.
Институциите треба да се позанимаваат со тоа како Апасиев купил простор за три пати пониска цена од пазарната и дали постои некаков скриен договор меѓу Апасиев, извршителот и банката? Апасиев и Левица со ова само ја потврдуваат тајната коалиција со СДС и ДУИ, која очигледно продолжува да работи во рамки кои се надвор од законските норми.
Со ова се покажа вистинското лице на Апасиев и Левица. Нив не ги интересира подобар живот за граѓаните, проекти, инвестиции и слично, нив ги интересираат само канцеларии за ич пари, скапи коли и скапи станови“, соопшти ВМРО-ДПМНЕ.
