сабота, 12 јули 2025

ВМРО-ДПМНЕ: Бледи се обидите на Филипче да го искупи СДС за предавството на македонскиот идентитет и јазик

Добро е што Венко Филипче конечно ги согледа состојбите и дојде на позициите на ВМРО-ДПМНЕ. Добро е што Филипче и СДС признаваат дека проблемот со Бугарија не е само внесувањето на Бугари во Устав, дека проблемот е подлабок и дека ги опфаќа и идентитетските национални обележја. Исто така, добро е што СДС и Филипче прифаќаат дека засегнат е и македонскиот јазик, за кој постојано ја убедуваа македонската јавност дека го заштитиле согласно нивните предавнички договори кои ги прифатија и потпишаа, се вели во денешното соопштение на ВМРО-ДПМНЕ, како реакција на ставовите на лидерот на СДСМ, Венко Филипче за бугарските амандмани на извештајот за Македонија во Европскиот парламент.

Објавено на

часот

Сподели

Сепак, од ВМРО-ДПМНЕ сметаат дека „има работи кои македонската јавност нема ниту да му заборави, ниту да му ги прости“.

„Откако СДС, на чело со менторот на Филипче, Зоран Заев во чијашто влада беше и самиот Венко, распродаде сè што е национално македонско и Македонија ја продаваа како невеста која богато ќе ја омажат, доцна им е за каење и за ископување на гревовите. Задоцнети и бледи се ваквите обиди на СДС и Венко Филипче за нивните предавства, народот ќе ги памети како најголемите предавници во историјата на државата и истите ќе завршат во темните историски страници“, велат од ВМРО-ДПМНЕ.

Во истото соопштение порачуваат дека сега Македонија има Влада која ги брани националните интереси и нема ни милиметар да се помести од позициите за одбрана на идентитетот, историјата, културата, јазикот.

„На чело на државата сега е Влада која ги брани, зацврстува и ги провира националните идентитетски обележја. Влада која работи во интерес на државата и граѓаните, која со напорен труд ја развива во сите пори на општественото живеење и која работи на нејзина евроинтеграција на достоинствен начин со заштитени национални обележја“, реагираат од ВМРО-ДПМНЕ.

 

ТОП ВЕСТИ

ПОСЛЕДНИ ВЕСТИ