Тој посочи дека станува збор за проект којшто ќе се реалзизира со помош на Владата, како дел од вториот повик за користење на средства од унгарскиот заем.
Велковски вели дека дополнително, потпишан е договор за изградба на старечки дом во Кавадарци, а се очекува да се надминат техничките проблеми за да почне со работа старечкиот дом во Пробиштип.
„Вториот кој веќе е распишан од страна на Министерството за социјална политика, демографија и млади на 31 декември е старскиот дом во Кавадарци. Во Пробиштип веќе има проект кој е добиен, но заради технички проблеми се чека за и тој да стане реалност. И уште неколку други се во фаза на разгледување“, вели Велковски.
Кога станува збор за домот за стари лица во Штип, потребно е надминување на сите правни елементи со цел граѓаните од трето доба да добијат место каде ќе може да бидат згрижени. Во моментов, објектот кој е изграден до фаза карабина има статус на дивоградба.
„Треба прво да се разрешат тие правни елементи кои не зависат од нас како Министерство“, вели Велковски.
Во Источниот планскиот регион, дом за стари лица има само во Берово, но неговиот капацитет не е доволен за граѓаните од регионот.
