Контролите беа реализирани во повеќе градови низ државата, меѓу кои и туристичките места каде во летниот период има зголемена фреквенција на туристи. За утврдените неправилности донесени се 91 прекршочни санкции – глоби, кои ќе бидат одмерени согласно големината на субјектот. За седум субјекти поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).
Во Скопје извршени се 31 контроли, а утврдени се 13 неправилности. Во Битола, Охрид, Струга, Демир Хисар и Ресен извршени се 67 контроли, а утврдени се 12 неправилности, од кои по една во Битола, Демир Хисар и Охрид, шест во Струга и три во Ресен.
Во Прилеп, Кавадарци, Велес и Кривогаштани извршени се 42 контроли, a утврдени се 12 неправилности. Во Тетово, Гостивар и Кичево извршени се 44 контроли, а утврдени се 29 неправилности, од кои 17 во Тетово, девет во Гостивар и три во Дебар.
Во Куманово и Крива Паланка извршени се 16 контроли, а утврдени се две неправилности, од кои во Куманово не се утврдени неправилности, а две неправилности се утврдени во Крива Паланка.
Во Струмица, Дојран, Гевгелија, Богданци, Василево, Пехчево и Берово извршени се 43 контроли, а утврдени се 23 неправилности, од кои 12 во Струмица, три во Дојран, четири во Гевгелија, Богданци без неправилности, по една во Василево и Пехчево и две во Берово.
УЈП апелира до сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата. Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување, соопшти УЈП.
