Како што најавија синоптичарите, утринската температура утре и в сабота наместа ќе се спушти под нула и ќе има појава на утрински мразеви. Ќе дува умерен, повремено засилен, северозападен ветер, поизразен долж Повардарието.
Од сабота се очекува да дува југоисточен ветер што в понеделник и вторник, долж Повардарието ќе достигнува брзина од 60 километри на час. Според најавеното, во петок ноќта кон сабота ќе има услови за слаби врнежи од дожд. Во вторник во западните делови и в среда на повеќе места ќе има локален дожд и појава на грмежи.
