Во текот на вечерва и ноќва ќе се задржи високиот водостој во горниот тек на реката Вардар и на реката Треска каде, од УХМР, предупредуваат на внимателност.
„Поради големите води и брзини на течење на водата во Треска можат во опасност да бидат дел од времените мостови по течението на реката“, предупредува УХМР.
На истокот од земјата состојбата е мирна и единствено посериозно зголемување на водостојот имаше во крајниот долен дел од сливот на река Струмица како резултат на зголемените притоки во тој дел каде имаше обилни врнежи изминатиов ден.
Од УХМР информираат дека во текот на ноќта и утре изутрина се очекува зголемување на водостојот на Вардар во средниот дел од течението и предупредуваат на внимателно движење покрај реките и суводолиците низ земјата.
