Одговарајќи на новинарски прашања за откупните цени на винското грозје и критиките на лидерот на СДСМ Венко Филипче дека лозарите се изманипулирани, на прес-конфреренција во Стопанската комора, тој рече дека е некоректно да се манипулира во овој предизборен период со маката и трудот на лозарите.
„МЗШВ согласно Законот за вино ги има запазено сите законски обврски и потребни активности да ја истакне производната, односно откупната цена, која треба да биде зголемена за 25 отсто. Жалам што се вметнува политика во мотиката, но тоа е начин на делување на СДСМ, нивна одлика“, изјави Трипуновски.
Заложба на Министертсво и Владата, според него е да се грижат за трудот на секој македонски земјоделец.
„Тоа го покажуваат и бројките на Државниот завод за статистика, а во котекст на тоа за успешноста на менаџирање на целиот процес второто тромесечје во 2025 година кај откупот на земјоделски производи од индивидуалните производители е забалежано од 26,4 отсто, а во делот на откупот и продажбата второто тромесечје 2025, во споредба со истиот период лани имаме зголемување 7,2 отсто. Ова значи дека го враќаме квантитетот на македонското прозиводтво ја зголемуваме продажбата, односно го враќаме производството на пиедесталот“, рече Трипуновски.
