Тој порача дека Владата е посветена на директна комуникација со земјоделците, со цел креирање политики што ќе одговараат на нивните реални потреби и ќе обезбедат стабилен и конкурентен земјоделски сектор.
„На средбите со сточарите, полјоделците и овоштарите разговаравме за предизвиците со кои се соочуваат, но и за можностите за развој и унапредување на домашното производство. Гласот на земјоделците го слушаме, заедно да работиме за стабилен и конкурентен земјоделски сектор“, порача Трипуновски.
На средбите со жителите од овој крај на Североистокот присуствуваше и градоначалникот на Ранковце, Даниел Павловски, кој заедно со тим од општината придонесоа за промоција на кампањата на Министерството за земјоделство, шумарство и водостопанство насловена, „Гласот што го слушаме – македонско најдобро“.
Кампањата почна пред една недела и истата предвидува посета на над триесет општини од државата од страна на два големи тима од министерството, а планирана е теренска псоета и на повеќе од 120 населени места од страна на шест помали тимови.
На средбата присуствуваа голем број жители кои непосредно од министерот и неговиот тим слушнаа за досегашните активности на министерството, како и за тековните и идните мерки и политики во секторот земјоделство.
