Трајков имаше свое обраќање на темата „Трансформирање на Западен Балкан: од агенди за реформи до интеграција во ЕУ и колективен просперитет“.
„Затоа гласот на младите треба да се слуша. И да се разбере. Младите се нашата срж и нашата иднина. Затоа, треба да работиме заедно со нив и за нив. Владата која ја претставувам работи за младите. Бидејќи тие се двигатели на промените, двигатели на едно ново време, време кое заедно со нас, младите ќе го креираат“, порача заменик-министерката за европски прашања.
Таа потенцираше дека Владата е посветена на реформските процеси како дел од Реформската агенда со цел да се подобрат состојбите во земјава.
„Нашето заслужено место на европската маса нѐ чека. Докажавме и сѐ уште докажуваме дека работиме во интерес на граѓаните и во интерес на државата. Ние заслужуваме да сме дел од големото европско семејство. Тоа ни припаѓа, не само географски, туку и природно. Да се обединиме сите заедно околу оваа цел и да работиме оваа наша стратешка цел час поскоро да стане стварност. Тоа го должиме себеси, и на овие генерации кои тоа го очекуваат од нас,” заклучи Трајков.
Настанот е во организација на Унијата на млади сили на ВМРО-ДПМНЕ и на Меѓународниот сојуз на млади демократи, а свои обраќања имаа и премиерот Христијан Мицкоски, вицепремиерот Александар Николоски, пратеници од македонското Собрание, високи државни претставници и претставници на младински сојузи од повеќе земји.
