Овој модел овозможува интегрирање на прегледите на двете страни од границата, што значително го забрзува протокот на патници и стоки, со елиминирање на двојните проверки и минимизирање на времето на чекање.
„Во месец август 2024 година на овој граничен премин сме имале 1.247.747 патници, а оваа 2025 година дури 1.602.939. Времето на чекање во 2024 година беше од 3 до 4 часа во шпиц, а оваа година со имплементираниот Уан стоп систем е намалено на 30 минути до 1 час. Тоа значи дека имаме зголемување од 29% на бројот на патници и истовремено неколкукратно намалено време на чекање“, истакна министерот Тошковски.
По посетата на границата, министерот Тошковски ја посети и Секторот за внатрешни работи Куманово, каде заедно со раководството разговараше за безбедносната состојба во регионот.
„Состојбата е стабилна и мирна, а бројките укажуваат на зголемена откривачка дејност во областа на економскиот криминал и значително намалување на сообраќајните незгоди со жртви. Со ставање во функција на системот Сејф сити Куманово е меѓу првите три града каде што очекуваме значително зголемување и на сообраќајната безбедност и во областа на јавниот ред и мир. Потврдивме и дека полицијата е целосно подготвена да ги гарантира демократските и фер избори на претстојните изборни процеси“, потенцираше министерот Тошковски.
