Во пораката пишува: „Се надевам дека пишувам на правилно место и дека конечно некој во оваа држава ќе отвори уши и очи за мојата безисходна ситуација. Сепак оваа власт ја гласавме и поддржуваме ние граѓаните. Човекот кој од декември месец па наваму ме демне, ме тепа и нанесува друг вид насилство, силува, прогонува и последно пред 5 дена ми ја запали колата е се уште на слобода! Вратен му е пасошот од МВР и во моментов слетува во Берлин“.
Претходно СДСМ праша дали оваа порака навистина пристигнала до министерството пред пет месеци и што е преземено. Според содржината, Росица навела и детали за институциите пред кои се обраќала, како и за тоа дека убијецот, и покрај пријавите за насилство, добил вратен пасош од МВР и патувал во странство.
