Вели дека за жал не знае што се случило и зошто настапила смрт кај пациентот и зошто семејството не дозволило да се изврши обдукција.
„Да беше направена обдукција ќе се знаеше, бидејќи е констатирано дека имал и други здравствени проблеми, не е само аневризма на аортата“, рече Таравари.
Прашан за набавката на апаратот за ангиографија Кардиохирургија и зошто досега не бил ставен во функција, министерот рече дека секогаш се бара од клиниките да посочат какав апарат бараат.
„Одлучиле да набават апарат кој е и компјутерска томографија и ангиограф и вистина е дека побарале да се постави на шини за да биде посигурен и со тоа подобро сме со осигурале за да не биде за 2 или 3 тони колку што тежи. Точно не знам и сега тоа е направено и апаратот веќе е инсталиран“, истакна Таравари.
Тој рече дека не сака да зборува за приватните болници кадешто евентуално требало да биде однесен сега починатиот пациент и како што рече Таравари било разговарано со нив, но пациентот имал и друг здравствен проблем.
И директорот на Фондот за здравствено осигурување (ФЗО), Сашо Клековски очекува Стручната комисија да ги испита сите детали за овој случај.
Инаку, вчера Таравари изјави дека за починатиот пациент на Државна кардиохирургија ќе има одговорност, доколку имало пропуст или грешка околу неговото лекување.
СДСМ денеска на прес-конференција денеска побара оставка од Таравари, поради како што посочија, скандалот на Кардиохирургија.
„Пациент почина затоа што државната клиника не можела да му ја изведе потребната итна интервенција – поради нефункционалност на здравствениот систем. И Државниот здравствен и санитарен инспекторат потврди: ангиографската сала на Кардиохирургија не работела еден месец, а немало ниту стент-графтови. Како може државна болница, од стратешки интерес, да нема основни услови за спас на човечки живот?“, посочија оттаму.
