Од 57, деветмина се во Скопје. Двајца се моментално на Клиничкиот центар, на Клиниката за пластична хирургија. Четворица се во Хируршката клиника „Свети Наум Охридски“, еден пациент е во ГОБ „8 Септември“. Останатите се лекуваат во приватни болници.
„Сите се во стабилна состојба“, подвлече Таравари.
Во странство се лекуваат 48 лица од трагедијата во Кочани.
„Еден пациент се враќа денеска од Унгарија, па ќе останат четириесет и седум пациенти во странство“, рече Таравари.
Тој рече дека двајца се во критична состојба, другите се екстубирани. Некои биле на рехабилитација, други чекале оперативни зафати.
Како позитивен пример, министерот посочи пациентка двапати реанимирана, која денеска на Пластична хирургија била во сосема подобра состојба.
„Добар пример за пациент кој беше многу тежок“, додаде Таравари.
