„Наредните денови ќе имаме интензивни средби. Приоритет е соработката со Вреди, но не исклучуваме ниту други резервни опции. Во наредниов период и централното претседателство ќе се состане и ќе го каже конечниот одговор“, рече Таравари.
Тој додаде дека Алијансата за Албанците останува отворена за сите можности кои им служат на интересите на граѓаните и на најдостојно претставување на Албанците во локалните и централните институции.
Седницата на партиското раководство доаѓа во време кога се зборува за несогласувања во коалицијата и пред локалните избори.
Денеска, кон старото партиско јато се приклучи и Исен Шабани, потпретседател на крилото на АА предводено Зијадин Села и актуелен градоначалник на полошката општина Врапчиште.
Таравари пред седницата на партиското Собрание во Гостивар демантираше дека има намера да се обедини со Зијадин Села и потенцираше дека нема да се дискутира за тоа прашање.
Седницата сѐ уште трае и е затворена за јавноста.
