„Тајван е суверена и независна земја. Oдносите и соработката меѓу Тајван и другите земји низ целиот свет се засноваат на заедничките вредности на слободата, демократијата и владеењето на правото, што несомнено е во согласност со меѓународното право и меѓународната пракса. Интеракциите меѓу тајванската влада и парламентот и пратениците во Собранието на Северна Македонија имаат за цел да ја подобрат благосостојбата на двата народа и да го зајакнат нашето партнерство. Овие активности се целосно легитимни и конструктивни и не смеат да бидат попречени од никаков надворешен политички притисок. Во соопштението, кинеската амбасада во Северна Македонија се повикува на т.н. ‘Принцип на една Кина’, лажно се тврди дека ‘Тајван е Тајван на Кина’ и се искривува Резолуцијата 2758 на Генералното собрание на ООН, сериозно отстапува од фактите. Нашата канцеларија силно го осудува ова сериозно искривување на фактите и нагласува дека не може да ја промени објективната реалност дека двете страни од Тајванскиот теснец не се подредени една на друга. Претставничката канцеларија на Тајпеј во Италија ја повторува својата силна осуда на кинеската влада за континуирано ширење апсурдни и лажни наративи насочени кон поткопување на суверенитетот на Тајван во различни меѓународни услови“, се вели во реакцијата на претставниците на Тајван.
Пред два дена пратениците Антонио Милошоски, Фатмир Битиќи и Рашела Мизрахи се сретнаа со делегација од канцеларијата на Тајпеј во Италија предводена од амбасадорот Цаи. Оваа средба предизвика реакција на Амбасадата на НР Кина, а потоа и на Милошоски.
