Студентите беа пречекани од директорот за иновации и едукација, Антонио Лопез де Авила. Ректорот на Универзитет Скопје проф. д-р Аце Миленковски, ги запозна студентите со членството во оваа престижна меѓународна организација, истакнувајќи ги придобивките, можностите и престижот од тоа што Универзитетот е единствена членка од Македонија.
Во рамки на активностите на престижниот Меѓународен саем за туризам „FITUR ” во Мадрид, Ректорот на Универзитет Скопје, професорите и студентите, го посетија и штандот на нашата Република Македонија. Посетата беше збогатена со присуството на Министерот за култура и туризам Зоран Љутков, со кого студентите имаа можност да поразговараат за промоцијата на македонската култура, туризам и културно наследство на меѓународна сцена. Ова искуство претставува значаен поттик за младите академци и уште една потврда за важноста на поврзувањето на образованието со реалните културни и туристички практики.
Студентите од Универзитет Скопје, во текот на посетата на саемот за туризам „FITUR”, имаа можност директно да комуницираат со изложувачите, да присуствуваат на професионални презентации и одблиску да се запознаат со начинот на функционирање на меѓународниот туристички пазар. Ова искуство им овозможува практични знаења, нови перспективи и вредни контакти кои ќе бидат значајни за нивниот иден професионален развој.
