Стоилковиќ, присуствуваше на прием организиран од претседателот на Србија во чест на младите спортисти учесници во кампот „Србија те зове 2025“, соопшти Владата.
Шестиот по ред спортско-едукативен собир на деца и млади од дијаспората се одржува во комплексот на Домот на ученици од средните училишта „Патријарх Павле“ во Белград, а годинава на него учествуваат и деца од Македонија.
Приемот во Палатата Србија, освен Стоилковиќ, го посетија и српскиот министер без ресор задолжен за односи со дијаспората Ѓорѓе Милиќевиќ, како и српскиот министер за спорт Зоран Гајиќ.
Кампот годинава бележи рекордни 436 учесници од 18 земји, меѓу кои најбројни се од Босна и Херцеговина и од Македонија. Покрај спортските активности, програмата вклучува воспитно-образовни содржини, меѓусебно дружење и создавање нови пријателства, како и запознавање со историјата и туристичките атракции на Белград.
