Од СПМ сметаат дека кавгите во Владата не ги приметува само премиерот Димитар Ковачевски кој со ножиците во раката е растрчан од една лента на друга за „свечено“ отварање, за потоа за „доброто на државата“ да отпатува околу светот.
„На јавноста повторно и укажуваме на министерот за надворешни работи Бујар Османи кој лицемерно гледа предизвик и добра можност за зголемување на платата и рејтингот кој никому ништо не му значи. Особено иритирачки за граѓаните е што за него работењето во тајност на неговата македонско-бугарска историска комисија е нормална ненормалност, а за секој што ќе му најде забелешка примитивно го дискредитира како албанофоб иако самиот тој директно и упорно работи против македонската држава. Општиот заклучок за СДС заедно со ДУИ и другите партии во власта е нивната невидена упорност во продолжање на деновите на владеење само за да крадат повеќе и подолго на грбот на народот. Социјалистичката партија на Македонија напоменува дека народот гледа и не заборава како оваа власт на СДС и ДУИ го доведе во беда и сиромаштија и до безизлезност. Потребно е на оваа искорумпирана, криминална и предавничка влада секојдневно и упорно да ѝ се повторува нужноста за нејзината итна оставка или изборна промена“, велат од СПМ.
