„Македонците и Палестинците имаат слична, трагична судбина, благодарение на заедничкиот душман – британската држава, која е директен виновник за страдањата на овие два народа и историската неправда која ја трпат.
И во Македонија и во Палестина се извршени два егзодуси, едниот за време на Граѓанската војна во Грција од 1946 – 1949 година, кога било протерано македонското население од Егејска Македонија и бил извршен геноцид врз Македонците кои учествувале или го помагале комунистичкото движење. Другиот во Палестина кој трае од 1948 година, а кулминира денес со геноцидот од страна на Израел.
Егејците убивани со напалм бомби на британските пилоти, а Палестинците се оставени на милост и немилост и соочени се со недостиг на вода, струја, интернет и масовно бомбардирање.
Го повикуваме Бујар Османи да ги осуди воените злосторства од страна на Израел, се вели во соопштението на Црвена младина на Левица која пред зградата на МНР истакнаа и парола.
