„По овие информации, конечно се сети да дејствува и финансиската полиција и тука се чини дека алармот е вклучен. Според наши информации, поранешниот асистент на Артан Груби, актуелниот директор на „Лотарија на Македонија“ сака да поднесе оставка, но некој му врши притисок да не го прави истото.
Јавно го прашуваме директорот на „Лотарија на Македонија“, Прпарим Бајрами, дали сака да поднесе оставка и дали неговиот шеф, Артан Груби, му врши притисок да не го прави тоа? Доколку одговорот е позитивен, ние сме подготвени да му помогнеме да се ослободи од тој притисок, под услов тој да соработува со обвинителството. Оваа влада на СДСМ и ДУИ единствениот успех го има во игрите на среќа и црните бизниси, кои опфаќаат суми од стотици милиони евра. Сè друго, вклучително и темата за интеграциите и уставните измени, се само празни изјави, со кои ја залажуваат јавноста.
Среќата во оваа несреќа е што по неколку месеци ќе има избори и граѓаните ќе се ослободат од оваа корумпирана и криминализирана политичка класа, која утре ќе даде отчет за сите овие валкани работи“, рече Сулејмани во името на Алтернатива, Беса и Демократско движење.
