„Апелираме до инсулинските аптеки да не нудат замена на терапија, која исклучиво треба да биде препишана од страна на ендокринолог. Апелираме до нашите членови да си помагаме со позајмици на онаа терапија која ни фали без да прифатиме нејзина административна промена во аптеките. Апелираме до сите засегнати страни да се изнајде начин за испорака на потребната терапија без какви било административни решенија или поточно нерешенија кои ќе ја нарушат нашата контрола на шеќерот, а со тоа ќе се наруши и нашето здравје. Апелираме до сите да не го трошат нашето трпение и разбирање за оваа ситуација за која сме свесни дека може да се избегне ако сите процеси со тендерот се започнат на време без никакви одлагања или изговори“, се наведува во апелот на Сојузот на здруженија со лица со дијабетес.
