Тој нагласи дека покрај нов пат, ќе се изгради и тротоар за првпат досега, како и третирање на атмосферските води со ф1000 цевки.
Со одлична динамика се одвива реконструкцијата на патната делница Драчево – Пеленица, која значително ќе го подобри квалитетот на животот на жителите од Драчево, Кисела Вода и Студеничани, а сето тоа благодарение на премиерот Христијан Мицкоски, соопшти Општина Кисела Вода.
Станува збор за реконструкција на фреквентна сообраќајница со должина од 3.370 метри и ширина околу шест метри, а ќе биде изграден и тротоар од едната страна, што никогаш досега го немало.
Тука ќе се изведува и третирање на атмосферските води со ф1000 цевки и поставување на каналетки за одведување на водите.
„Ова е доказ дека во Кисела Вода се случува инфраструктурен бум, дека ги споделуваме заедничките вредности со Владата и се обединуваме околу клучни проекти кои се во интерес на народот, за што сакам да изразам искрена благодарност до премиерот Христијан Мицкоски за оваа значајна поддршка. Продолжуваме! Мојот народ заслужува, а најдоброто допрва доаѓа“, истакна Ѓорѓиевски.
