Да пријават вртат и жителите, но ниту тие не добиле одговор од другата страна на телефонската линија. Па никој не знае дали воопшто „Комунална хиегиена“ знае дека не е собрано ѓубрето, бидејќи како што велат, кога претходно се случувало да пријавуваат и да го дадат бројот на улицата, од претпријатието добивале одговор дека во листата им стои, ѓубрето на нивната улица е собрано.
Но, ова е само на хартија, бидејќи во пракса улиците се полни ѓубре. А, кој и зошто запишува дека улиците се чисти, кога не е така?
Денес општина Центар испрати соопштение во кое изјавија дека општината долг период го собира ѓубрето низ Центар и ја врши работата на „Комунална хигиена“.
Никој не кажува што е проблемот, и зошто граѓаните што плаќаат за чисти улици на „Комунална хигиена“, добиваат смет, смрдеа и валкани улици полни ѓубре.
Редакцијата на МКД.мк ги повикува од „Комунална хигиена“ да ни испратат одговори бидејќи никако не можеме да обезбедиме одговори за ѓубрето кое речиси цел месец се трупа по улиците низ Аеродром и Гази Баба.
И ова трае, не само сега, туку долго време, а редакцијата на МКД.мк во повеќе наврати пишува за овој проблем. Следат локалните избори, но да се надеваме дека овој проблем нема да чека дотогаш, туку камионите на „Комунална хигиена“ што поскоро ќе ја завршат својата работа.
