„На Скопје и на пола Македонија им се заканува еколошка катастрофа поради тоа што четири години ВМРО-ДПМНЕ не мрднаа со прст да го решат проблемот со депониите. Наместо решенија, граѓаните добија задушен град и канцерогени материи. Орце Ѓорѓиевски како претседател на ЗЕЛС се крие, а Мицкоски и ВМРО-ДПМНЕ го загушија Скопје и ја трујат Македонија,“ велат од СДСМ.
Од ВМРО-ДПМНЕ, пак, обвинуваат дека токму СДСМ и нивните кадри, вклучувајќи ја и поранешната министерка Каја Шукова, се одговорни за долгогодишниот хаос со депониите.
„СДС и Шукова со години ги користат Вардариште и загадувањето за предизборни ветувања. Шукова 20 години беше дел од Министерството за животна средина и не направи ништо, а сега повторно на граѓаните им ветува исто. Токму во време на СДС беа тргнати чуварските служби од Вардариште и Дрисла, што дополнително ја влоши ситуацијата,“ велат од ВМРО-ДПМНЕ.
Во меѓувреме, чадот и непријатниот мирис остануваат секојдневие за граѓаните на Скопје, кои бараат конкретни и трајни решенија наместо политички препукувања.
Детали за тоа што ќе се преземе најави директорот на Дирекцијата за заштита и спасување, Стојанче Ангелов.
