„Зимската магија се враќа во Михајлово. Одлични вести за сите љубители на снегот и зимските уживања. По успешното отворање минатата година, ски-патеката ‘Македонија’ во Михајлово почнува со работа, официјално ја отвора новата зимска сезона. Патеката ќе функционира до 19 часот, а по потреба и до доцните вечерни часови. Денешниот ден е прв ден од сезоната, подготвен за сите љубители на снегот и зимските спортови“, соопштуваат од кабинетот на Јанчев.
Оттаму потсетуваат дека ова е втора зима како работи оваа скијачка патека.
„Втора зима по ред како Михајлово станува вистински зимски центар за сите генерации, место каде што снегот, радоста и дружењето се спојуваат во едно незаборавно искуство“, истакнуваат од кабинетот на Јанчев.
