Базарот им нуди на посетителите автентична и креативна алтернатива за избор на подароци, преку уникатни рачно изработени производи создадени од домашни мајстори и современи ракотворци. Секој продукт носи личен печат, раскажува уникатна приказна и порака за љубов.
Македонските ракотворци ќе се претстават со органска козметика, уметнички дела, декоративни и ароматизирани свеќи инспирирани од Денот на вљубените, рачно изработени колачиња, накит од глина и епоксидна смола, филигрански накит, рачно насликана керамика, накит изработен во embroidery техника, плетени чанти, рачно цртани илустрации, кожни производи, гипсени декорации во духот на љубовта, дрвени изработки, како и впечатливи аксесоари и љубовни сувенири.
Со современи и оригинални креации ќе претстават 30 ракотворци и брендови: Вегама, Фантаст уметничко студио, Scented Studio, Luxify, МАТРЈОШКА, Нате препорачува, Атеље Сиена, Luxurysoapmm, GAIA _X, Simple Du, ARTNOK, Stardust Kejt Rakotvorbi, Џули Декупаж, Small piece of joy, Ivi lu, Filigree LARGO, Laser Dekor, Wonderlight, vbunarovska, ByMimiCosmetics, МЕДЕНА, Sky’s The Limit, Candle Dreams, Бибер и Ванила, Балон Твистер, Елена Ристовска, NM illustrations, Botanikly, SIRA leather и KP Crafts.
Како платформа за креативност и занаетчиска умешност, „Една љубов, безброј подароци“ им нуди на посетителите внимателно избрани подароци со автентична приказна.
