„За ‘Форумите во заедницата’ и со тоа и за ‘Буџетските форуми’ има јасни правила како се одржуваат утврдени од ЗЕЛС за што повеќе пати му е укажано, а не сака да го прифати. Процесот со форумите треба да почне месеци претходно, да има стручни независни модератори, одвоен општински буџет, работни групи…
Но ете падна толку ниско што сака и нив да ги злоупореби за кампања. Буџетски форум најавен од вчера за денес. Форум ли е, митинг ли е во просториите на училиште“, реагира Шанса за Центар.
За денеска Герасимовски упати покана до граѓаните на Центар да присуствуваат на првиот буџетски форум за заеднички да се креира буџетот, „во градењето на подобра општина“.
