На терен беше јасно видлива состојбата со купишта отпад и неасфалтирани и калливи улици, што секојдневно им го отежнува животот на граѓаните.
Во разговор со жителите, тимот на ДСР ги претстави програмските приоритети насочени кон воспоставување ред во управувањето со отпадот, итно расчистување на дивите депонии и отпочнување на приоритетно асфалтирање на уличните коридори со јасни рокови.
„Шуто Оризари нема време за празни зборови. Потребни се итни, мерливи и видливи чекори што ќе донесат чисти улици, асфалт и функционални услуги. Нашиот пристап е јасен, а тоа се транспарентни рокови, јавна отчетност и партнерство со граѓаните за секој чекор напред,“ порача д-р Шабан Салиу. Тој додаде дека целта е функционална и чиста општина со мерливи резултати и вистинска отчетност кон граѓаните, при што жителите ќе бидат директни партнери во следењето и оценувањето на напредокот.
