„Собранието ќе се одржи на 27 декември и ќе се дискутира за реорганизација на структурите и органите на партијата, партиските политики и важните стратешки документи.
Алијансата за Албанците продолжува да останува во одбрана на националната кауза, гласот на артикулирање на уставните и законските права на Албанците и зачувување на евроатлантската ориентација на земјата како единствен пат за перспективата на граѓаните“, кратко се наведува во соопштението на АА во верзијата на македонски јазик.
Алијанса на Албанците е основана во 2015 година, како политичка партија на десниот центар во Македонија, токму од Зијадин Села. Партијата се подели на две фракции, пред минатогодишните парламентарни избори, а втората фракција ја предводи Арбен Таравари. АА на Села беше во коалиција со ДУИ, но пред дваесетина дена ја напушти и таа коалиција, а нејзините пратеници во Собранието на Македонија веќе дејствуваат како независна група.
