„Ова значи дека сите оние кои досега започнале со инвестицијата, веќе вложиле свои средства или средства од кредити за половина инвестиција, а сега остантите 50% заради корупцијата на власта нема да им бидат исплатени. И не се знае кога и дали ќе бидат воопшто исплатени.
Прво прашање што мора да го одговори итно власта е: Колку корисници веќе имаат потпишано договори и имаат вложено свои средства? Што ќе преземе владата за да ги заштити овие луѓе, бидјеќи е јасно дека заради корупцијата на луѓето на Трипуновски и Мицкокси тие се оштетени?“, праша портпаролката на СДСМ, Кузеска.
Таа нагласи дека ваквите суспензии може да траат две до три години, а прашање е според неа, дали воопшто ИПАРД – програмата по ваков скандал ќе продолжи.
„Ова е страшен удар за македонското земјоделство и развојот на државата! Ова е срам нанесен во европкските институции и на меѓународната сцена. Само за потсетување, во периодот од седум години кога СДСМ ја водеше програмата, ИПАРД беше ‘најуспешната приказна во државата’, со 2.369 реализирани инвестиции и целосна искористеност на европските средства.
Ова што денес се случува на секое поле е резултат на партизација, клиентелизам и злоупотреби за кои од првиот ден зборуваме. Сѐ што ДПМНЕ ветуваше како поддршка за земјоделството, сега се претвора во неизвесност и ризик“, вели Кузеска.
Затоа СДСМ бара: итно објавување на сите документи и извештаи поврзани со програмата ИПАРД, бројот на корисници и извештај за ризикот кој е настанат како резултат на корупцијата. Истовремено од опозициската партија се бара итна оставка од министерот за земјоделство, Трипуновски и сите назначени лица кои биле дел од овој процес кои може да бидат компромитирани.
„Јасно е дека корупцијата е длабоко влезена во целиот систем и мора одговорност да има од сите инволвирани“, порачуваат од СДСМ.
