„И сите овие тендери се со владини и државни институции, во период од мај 2025 до денес, ноември 2025. Фирма без историја, без искуство, без портфолио – регистрирана за трговија со информатичка и комуникациска опрема добива речиси 9 милиони евра за само 6 месеци. Или по 1,5 милиони евра месечно.
Основана е од извесен Кристијан Арсовски и има само двајца вработени. Да, добро слушнавте – двајца вработени, со речиси 9 милиони евра добиени пари од граѓаните. Од шест државни тендери, дури четири се со Генералниот секретаријат на Владата на Мицкоски. И тоа не било какви тендери туку милионски договори“, потенцира Димитријевиќ на прес-конференцијата.
Последниот договор е рамковна спогодба за софтверски лиценци за виртуелна платформа во вредност од 8 милиони евра.
„Како е можно за толку кратко време фирма со двајца вработени да добие речиси 9 милиони евра?
Ако ова не е класична шема за испумпување на парите на граѓаните преку фирми блиски до власта тогаш што е?
И секако, едно од прашањата е дали Кристијан е во роднински врски со поранешниот портпарол на ДПМНЕ, Димса Арсовски?
Повикуваме Јавното обвинителство, Финансиската полиција и ДКСК веднаш да регираат, да отворат истрага“, повикуваат од СДСМ.
Од партијата велат дека овој скандал има и други сомнителни аспекти за кои ќе продолжат да говорат.
„Ова е истиот криминален систем, истата криминална шема на Никола Груевски кој 11 години ја ограбуваше Македонија и 2 милијарди евра се испумпаа од граѓаните, за што целата јавност слушна во бомбите. Мицкоски е само негов ученик и извршител.
Предупредуваме, инситуциите да дејствуваат и да преземат мерки согласно законот, одговорност мора да има ќе има, кога тогаш! За сите!
Крадењето мора да престане, веднаш!“, порачуваат од СДСМ.
