„Што ви е гајле дали ќе има скијање во Маврово? Е нема да има!“ Ова пред две недели за МКД.мк го изјави новиот сопственик на Ресорт Маврово Љубе Кутлешовски од Австралија.
Сепак, само две недели подоцна од Ресорт Маврово доаѓаат поповолни информации. „Интензивно работиме на средување на сајлите за да обезбедиме беспрекорни услови и безбедна сезона. Се подготвуваме за нови зимски авантури. Сајлите се поставени, зимата може да почне. Пред нас е почетокот на една нова сезона“, објави на Инстаграм Ресорт Маврово.
