Според достапните податоци, епицентарот се наоѓа на околу 22 километри источно од Призрен и приближно 15 километри северозападно од Теарце, на длабочина од околу 5 километри. Поради плитката длабочина, земјотресот беше јасно почувствуван во Тетово, Гостивар, Полошкиот регион, како и во делови од Скопје и западна Македонија.
Граѓаните пријавуваат силно тресење проследено со звук непосредно пред ударот, што предизвика вознемиреност, но засега нема информации за поголеми материјални штети или повредени лица.
Надлежните институции ја следат состојбата и апелираат граѓаните да останат смирени, како и да ги почитуваат стандардните безбедносни препораки во случај на евентуални последователни потреси.
Се очекуваат дополнителни информации во текот на ноќта.
