Како што претходно соопшти „Македонијапат“, од 9:20 часот поради врнежи од снег воведена е забрана за сообраќај за камиони и автобуси на патниот правец крак Шипковица – Попова Шапка, а од 5.45 часот е забранет сообраќајот за тешки товарни возила на патниот правец крак Маврово – Дебар.
Сообраќајот на државните патишта утрово се одвива во зимски услови, по влажни коловози, на некои повисоки места во западните и југозападните делови од државата со мали остатоци од кашест снег на коловозот.
АМСМ и ЈП „Македонијапат“ информираа дека врнежи од снег со променлив интензитет утрово има во Крушево, на Попова Шапка, во Маврово и на планинските превои Стража, Ѓавато и Пресека. На планинскиот превој Буково врнежите се од дожд и снег.
