За утре се најавени два протеста на крстосницата пред мостот Близнаци во Аеродром, првиот во 7.30 сабајле, а вториот во редовниот термин од 18 часот.
На денешниот протест не се маршира до Општина Аеродром, најавено е дека утре во 7.30 часот ќе се протестира на истото место, а потоа и вечерта во 18 часот.
Протестот продолжува секој ден до исполнување на барањата за решение на проблемот со депониите, сега, не пред избори. Еко активистот Горјан Јовановски апелираше на масовност и подготвеност за долготрајна борба за чист воздух.
„Да чекаме ли и понатаму да губиме по 5 илјади животи годишно во земја од само 2 милиони жители или да ги принудиме институциите да си ја работат работата“, рече тој.
Фото: МКД
