Засега не е познато дали некој загинал кога зградата се урнала околу пладне по локално време во градот Чангша во провинцијата Хунан.
Кинеските државни медиуми јавија дека повеќе од 130 спасувачи се на местото на настанот, расчистувањето ќе продолжи во текот на ноќта, пишува агенцијата АП.
A building collapsed on Friday in #Changsha, central #China‘s Hunan Province, trapping an unknown number of people, according to local emergency services. A rescue operation is underway. @arnauldmiguet @GaelC21 @Charlie_Wang6 @Kelly_1202 pic.twitter.com/Q3gPpEAyhF
— FranceTVChine (@francetvchine) April 29, 2022
Според извештаите во зградата имало најмалку еден ресторан, продавници и мал хотел. Слични згради во Кина претежно имаат станови на повисоките катови, според АП.
На фотографиите кои се појавија се гледа дека предниот дел од зградата е претежно недопрен, додека задниот дел се чини дека е пропаднат.
Слабото придржување кон безбедносните стандарди, незаконските надградби и неупотреба на армиран бетон е најчеста причина за слични инциденти.
Причината често може да е дотраената инфраструктура.
