Во некои делови на Истанбул паднале повеќе од 80 сантиметри снег, поради што од синоќа спасувачките и градските служби се на улиците.
На социјалните мрежи се објавени бројни снимки од завеаниот град и колапсот. На една од нив се гледа момче како со скии се движи низ завеана улица.
Fatih Işık isimli bir kişi, İstanbul Avcılar’dan Firuzköy’e kayak yaparak gitti. pic.twitter.com/1M92Vk9ct7
— ibrahim Haskoloğlu (@haskologlu) January 24, 2022
Летовите од аеродромот во Истанбул втор ден по ред се сопрени, а на приватните возила им е забрането излегување на градските улици.
Снимките од аеродромот, кој е меѓу најголемите во светот, покажуваат писти покриени со дебела снежна покривка со едвај видливи авиони и возила.
? Latest pictures are receiving from #Istanbul Airport, Flights Suspended due to intense #SnowStorm2022 in #Turkey ?? #PakWeather pic.twitter.com/YjTOkL24Yg
— PakWeather.com (@Pak_Weather) January 25, 2022
Аеродромот Истанбул на интернет објави дека летовите се сопрени до денес до 13:00 часот по локално време поради неповолни временски услови, а авиокомпанијата Туркиш ерлајнс соопшти вчера дека ги откажува сите летови од аеродромот.
#Turkey – Istanbul Airport shuts down as heavy snowfall affects flights and road traffic pic.twitter.com/eoUyWSUliz
— CyclistAnons (@CyclistAnons) January 25, 2022
Далеку на југот на Турција, снег падна на плажите на Анталија и тоа за првпат по 29 години.
Градоначалникот на Истанбул Екрем Имамоглу изјави дека 55.000 тони сол се фрлени на патиштата и ги повика граѓаните да го исчистат снегот пред куќите и продавниците за да им помогнат на тимовите за итна помош.
Низ цела Турција околу 4.600 луѓе биле заробени на патиштата, а повеќе илјади луѓе се сместени во привремени сместувања, соопшти националната управа за катастрофи и вонредни ситуации.
[video:https://youtu.be/Qf0A4tOmPy0 autoplay:0]
