„Позицијата на Унгарија за какво било ембарго за увоз на гас и нафта не е променета. Ние не ја поддржуваме идејата“, изјави Ковач за Ројтерс.
Европската Унија треба да објави забрана за увоз на руска нафта како дел од новиот пакет санкции, за кој се разговара оваа недела.
Повеќе дипломати рекоа дека забраната за увоз на нафта станала остварлива опција по пресвртот на Германија, која претходно изјави дека таквата мерка ќе ѝ нанесе премногу штета на германската економија. Но одлуката за забрана за увоз на руска нафта на ниво на ЕУ не може да се донесе без согласност на сите земји-членки на ЕУ.
