Во соопштението објавено на Фејсбук, властите велат дека „руските окупаторски сили фрлија неколку бомби врз детската болница. Уништувањето е огромно“.
Претставниците на Советот додадоа дека сѐ уште не го знаат точниот број на жртвите.
„Породилното одделение во центарот на градот, детското одделение и терапевтското одделение во болницата – сите се уништени во руски воздушен напад врз Мариупол“, рече во фејсбук-видео началникот на регионалната воена администрација, Павло Кириленко.
Тој додаде дека ранетите во нападот се евакуирани во најблиската болница.
Кириленко напиша дека Русија „не само што ја премина границата на неприфатливи односи меѓу државите и народите. Ја преминавте границата на хуманоста“.
„Престанете да се нарекувате човечки суштества“, додаде тој.
Украинскиот пратеник Дмитро Гурин на Твитер објави видео од болницата во Мариупол што наводно била погодена во руски напад, пренесе Би-би-си.
Mariupol. Russian artillery ruined maternity hospital and children hospital. A lot of killed and wounded women. No information about children and newborn yet. Hey, @UN how are you doing? Please retweet pic.twitter.com/QJSfUMMngW
— Dmytro Gurin, Ukrainian MP (@DmytroGurinMP) March 9, 2022
Гурин рече дека има „многу убиени и ранети жени“ и дека „сѐ уште нема информации за деца и новороденчиња. Еј, ОН, како сте?“
Во видеото пратеникот вели: „Болница бр. 3, Мариупол, породилно. Од под урнатините се вадат луѓе“.
И украинскиот претседател Зеленски на Твитер објави снимка од инцидентот – што тој го опиша како „директен напад“ – прикажува уништени простории низ ходникот во зградата.
„Луѓе, деца се под урнатините. Злосторство! Уште колку светот ќе биде соучесник игнорирајќи го теророт?“, рече тој.
Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k
— Володимир Зеленський (@ZelenskyyUa) March 9, 2022
Зеленски повторно побара зона на забранети летови над земјата за да ги спречи руските авиони да летаат – нешто што САД и другите земји на НАТО го отфрлија.
„Затворете го небото веднаш! Стоп за убиствата! Имате моќ, но се чини дека ја губите хуманоста“, повика тој.
