Се додава дека Русија укажала дека нацрт-мировните договори се во доволно напредна фаза за да се овозможат директни консултации меѓу лидерите на двете земји.
Агенцијата го цитира Давид Арахамија, кој за украинската телевизија рече дека Русија го прифатила целокупниот став на Украина, со исклучок на нејзината позиција за Крим.
Портпаролот на Москва, Дмитриј Песков, во средата рече дека Крим, регионот анектиран од Русија во 2014 година, е „дел од Русија“ и дека рускиот устав оневозможува да се разговара за судбината на кој било руски регион со кого било.
Украински Интерфакс, исто така, јавува дека Турција најверојатно ќе биде местото каде што Владимир Путин и украинскиот претседател Володимир Зеленски ќе се сретнат за мировни преговори.
Турскиот претседател Реџеп Таип Ердоган во петокот им се јави на Путин и Зеленски „и се чини дека од негова страна потврди дека се подготвени да договорат средба во блиска иднина“, рече Арахамија.
Преговорите во последните денови беа тешки, пренесува Ројтерс, а Кремљ соопшти дека една од целите на воената операција во Украина е да се врати државноста на Доњецк и Луганск во границите договорени во 2014 година.
