Како што јавуваат словенечките медиуми, Лесјак морал да го тргне словенечкото знаме од влезот во амбасадата бидејќи „премногу личи на руското знаме“.
„Кога стигнавме во Киев, беше доста ветровито, а кога гордо ги вративме словенечкото и европското знаме, тие се вееја на ветрот“, кажа Лесјак за ТВ Словенија. Но кога ветерот по два дена се смирил, знамињата се спуштиле на јарболот, а според Лесјак, словенечкото знаме премногу личело на руското.
Тој објасни дека кај него дошле припадници на народната гарда, а подоцна и од полицијата и прашале дали може да го тргне словенечкото знаме бидејќи премногу личи на руското.
