Глишиќ пристигнува кај „пиратите“ по краткиот престој во Македонија Ѓорче Петров, а од него се очекува да биде еден од клучните адути во дефанзивната линија во трката за висок пласман и приклучок кон елитното друштво.
Зад себе има богато искуство на домашната сцена, каде што ги носеше дресовите на Вардар, Напредок, Тетекс и Гостивар, а во кариерата веќе еднаш беше дел и од Скопје. Интернационалната авантура го однесе на Кипар, во Бугарија и Грузија, каде што настапуваше за Докса, Арда Карџали, Септември Софија и Динамо Тбилиси, додека во Босна и Херцеговина беше член на ОФК Олимпик.
Со неговото ангажирање, раководството на Скопје јасно испраќа порака дека амбициите за пролетниот дел од сезоната се сериозни и насочени кон врвот на табелата.
