„Ги заоструваме санкциите за да одржиме максимален притисок врз Кремљ. Мислам дека порано или подоцна ќе бидат потребни мерки за нафтата, па и за гасот“, рече Мишел во расправата на пленарната седница на Европскиот парламент во Стразбур.
We are toughening our sanctions to keep maximum pressure on the Kremlin.
The new package includes a ban on coal imports.
And I think that measures on oil, and even gas, will also be needed sooner or later. pic.twitter.com/bhc9NGu4as
— Charles Michel (@eucopresident) April 6, 2022
Европската комисија вчера предложи петти пакет санкции против Русија, кој вклучува забрана за увоз на јаглен, забрана за сите трансакции за четирите клучни руски банки, забранет пристап до европските пристаништа за руските бродови и најави дека работи на дополнителни санкции кои би вклучувале забрана за увоз на нафта.
Претседателката на Комисијата Урсула фон дер Лајен во својот говор потврди дека петтиот пакет санкции сигурно нема да биде последен во кој ЕУ ќе продолжи да ги заострува мерките против Русија.
Таа ги предупреди руските власти дека одговорните за воени злосторства ќе мора да одат на суд.
„Сите видовме вознемирувачки слики од Буча. Тоа е она што се случува кога војниците на Путин окупираат украинска територија и тоа го нарекуваат ослободување. Јас тоа го нарекувам воено злосторство и руските власти ќе мора да одговараат за тоа“, рече Фон дер Лајен.
We have all seen the haunting images of Bucha.
This is what is happening when Putin´s soldiers occupy Ukrainian territory.
They call this liberation.
I call this war crimes.The Russian authorities will have to answer for them. https://t.co/IxFaO2rZu3
— Ursula von der Leyen (@vonderleyen) April 6, 2022
Мишел ги повика руските војници да го фрлат оружјето доколку не сакаат да бидат злосторници.
„Имам порака до руските војници на фронтот: ако не сакате да учествувате во убивањето на вашите украински браќа и сестри, ако не сакате да бидете злосторници, фрлете го оружјето, престанете да се борите. Ќе мора да има сериозни последици за одговорните за ужасните злосторства“, рече Мишел. „Путин не може и нема да победи во оваа војна“, рече Мишел.
I have one message for Russian soldiers:
If you want no part in killing your Ukrainian brothers and sisters… drop your arms, leave the battlefield.
Granting asylum to these soldiers is a valuable idea that should be pursued. pic.twitter.com/h7x3Xyv3y4
— Charles Michel (@eucopresident) April 6, 2022
Мишел рече дека на последниот самит на ЕУ како гости биле американскиот претседател Џо Бајден и украинскиот Володимир Зеленски, истакнувајќи дека „трансатлантската поддршка за Украина е цврста како камен“.
Високиот претставник за надворешна политика и безбедност Жозеп Борел истакна дека ЕУ мора да продолжи да ја вооружува Украина доколку сака праведен крај на војната.
„Не сакаме војната да заврши со поделена Украина, со милиони бегалци и раселени лица и затоа мора да продолжиме да ја вооружуваме Украина“, рече Борел.
