„За само два месеца запленети околу 1.2 тона психотропни супстанци за производство на амфетамин со вредност од околу 200 милиони евра.
За само два месеца запленети над 2 тона марихуана со вредност од околу 4,5 милиони евра, а постојано се приведуваат крадци, разбојници, дилери, криминалци барани со потерници.
Се постапува и се апсат лица за корупција како што беше вчерашниот случај со инспекторката во Инспекторатот за земјоделие во Прилеп“, наведува СДСМ во реакцијата.
Партијата оценува дека граѓаните се чувствуваат безбедни и дека тоа го покажуваат сите анкети каде расте довербата во полицијата, „а Северна Македонија е најбезбедна земја во регионот, покажуваат релевантни меѓународни истражувања“, велат од СДСМ и оценуваат дека „ваквата силна борба против криминалот очигледно ѝ пречи само на ВМРО-ДПМНЕ, партијата заштитник на криминалците“.
