Русија погоди складиште за гориво што го користеа украинските сили во близина на Лвов со проектили со долг дострел и употреби крстосувачки проектили за да нападне фабрика во градот што се користи за поправка на противвоздушни системи, радарски станици и нишани за тенкови, соопшти Министерството.
„Вооружените сили на Руската Федерација продолжуваат со офанзивните дејствија како дел од специјалната воена операција“, се вели во соопштението на портпаролот на Министерството, Игор Конашенков.
Официјални лица од Лвов, кој се наоѓа на само 60 километри од границата со Полска, членка на НАТО, изјавија дека луѓе биле ранети во ракетните напади.
Русија исто така користеше проектили со долг дострел од море за да уништи арсенал од ракети С-300 и противвоздушни ракетни системи БУК во близина на Киев, соопшти Министерството. Руските сили уништија и голем број беспилотни летала, се вели во соопштението.
Русија почна да ги уништува украинските складишта за складирање гориво и храна, што значи дека владата ќе мора да ги растерети залихите на двете во блиска иднина, изјави во неделата советникот на украинското Министерство за внатрешни работи, Вадим Денисенко.
